Алматыда «Uyumdasu Participatory Budgeting» әлеуметтік жобасы талқыланды

Алматыда «Uyumdasu Participatory Budgeting» әлеуметтік жобасын талқылауға арналған дөңгелек үстел өтті, деп хабарлайды Almaty.tv тілшісі.

Жиынға қоғамдық кеңес мүшелері мен әкімдік және аталмыш жобаның өкілдері қатысып, «Бюджетке қатысу» бағдарламасын одан әрі дамыту тетіктерін пысықтады. 

Ұйымдастырушылардың айтуынша, бүгінде қала тұрғындарын осы жобаға тарту мақсатында бірнеше тегін онлайн семинар мен тренинг өткізіліпті. 

«Біз жоба қатысушыларына арнап 7 тренинг өткіздік. Олардың арасында «Бюджетке қатысудың» қыр-сырын үйреніп, жобаны ұтқандары да болды. Бұл біздің жұмысымыздың нәтижесі деп білемін. Бұл қаланың дамуына серпін беретін жоба», – деді жоба үйлестірушісі Аида Әлжанова.