|
08.12.2023 | 22:40
3192

Алматыда көктайғақтың алдын алу шаралары жүріп жатыр

Түнгі уақытта 365 бірлік арнайы техника мен 346 жұмысшы жұмылдырылды

Алматыда көктайғақтың алдын алу шаралары жүріп жатыр Сурет: Алматы әкімдігінің баспасөз қызметі

Алматы қаласында 8 желтоқсанда сағат 20:00-ден бастап жауған қар 9 желтоқсанда түске таман тоқтайды, деп хабарлайды Almaty.tv.

Қауіпті аумақтарда, төмен түсетін, жоғары шығатын және жолайырықтарға бұрылатын жерлерге көктайғақтың алдын алу үшін сұйық реагенттер қолданылды. 

Сонымен қатар қар жауған кезден бастап 112 қызметінің күшімен құм таратқыштар арқылы жолдарға көктайғаққа қарсы материалдар себіледі.

Тротуарларды, жалпы пайдалану орындарын, қоғамдық көлік аялдамаларын, жерүсті өткелдерін тазалау жұмыстары ұйымдастырылды.

Түнгі уақытта 365 бірлік арнайы техника мен 346 жұмысшы жұмылдырылды. Қар тазалау жұмысы үшін тәулік бойы кезекшілік ұйымдастырылды.

«Қазгидромет» РМК болжауынша түнде қар ұшқындайды, ал 9 желтоқсанда таңнан бастап сағат 15:00-ге дейін биіктігі 8 мм қар жауады. Желдің екпіні 3-8 м/с. Ауа температурасы түнде -7 градусқа дейін суытады, 9 желтоқсанда термометр бағаны минус 4 градусты көрсетеді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир