Алматы Еуропа аудиториясына Viajar журналында таныстырылды

Испанияның Viajar туристік журналы Қазақстан туралы мақала жариялап, Алматыға ерекше назар аударды. Мақала авторлары Алматыны Орталық Азиядағы ең тартымды туристік бағыттардың бірі деп атайды, - деп хабарлайды Аlmaty.tv.

Жарияланымда Алматының Тянь-Шань тауларының баурайында орналасқаны, дамыған туристік инфрақұрылымы, бай мәдени мұрасы, алуан түрлі гастрономиясы және белсенді демалысқа арналған кең мүмкіндіктері атап өтілген.

Viajar — Испаниядағы жетекші туристік басылымдардың бірі. Ол ондаған жыл бойы оқырмандарын әлемнің ең қызықты туристік бағыттарымен таныстырып келеді.

Бұл жарияланым Алматының халықаралық туристік имиджін нығайтып, шетелдік саяхатшылардың қалаға деген қызығушылығын арттыруға ықпал етеді.

Оқи отырыңыз:  Алматыда «Жастар қатысатын бюджет» жобасы іске қосылады: үздік бастамаларға мемлекеттік қолдау көрсетіледі