Қала күніне орай Алматыда ауыл шаруашылығы жәрмеңкелері өтіп жатыр

Алматы қаласы әкімдігінің баспасөз қызметі

Әлеуметтік маңызы бар өнімдер нарық құнынан 15-20% төмен бағамен сатылып жатыр

Қала күніне орай Алматыда демалыс күнгі жәрмеңкелер өтіп жатыр. Ұйымдастырушысы – «Алматы» ӘКК, деп хабарлайды Аlmaty.tv.

Сатылымда 310 ауыл шаруашылығы тауарын өндірушілер мен фермерлерден әкелінген Алматы мен Алматы облысының өнімдері бар: жаңа сойылған ет, жұмыртқа, көкөніс пен жеміс-жидек, сүт-қышқылды өнімдер, шұжық, бал және басқа да тағамдар бар. Барлығы – 1 000-нан астам тауар түрі бар.

Бағаны тұрақтандыру іс-шаралары аясында әлеуметтік маңызы бар өнімдер нарық құнынан 15–20% төмен бағамен сатылып жатыр.

Жәрмеңкелер қаладағы 5 ауданда әр сенбі және жексенбі күндері сағат 09:00-ден 18:00-ге дейін өтеді:

Алмалы ауданы — Масанчи көшесі (Әйтеке би және Гоголь көшелерінің арасында);
Әуезов ауданы — Өтеген батыр көшесі (Абай даңғылынан төмен);
Бостандық ауданы — Қазақфильм шағынауданы (Әл-Фараби даңғылынан жоғары);
Жетісу ауданы — Құлагер шағынауданы, «Гүлдер» саябағының алдында;
Медеу ауданы — Меңдіқұлов бульвары – Бектұров көшесі.

Жәрмеңкенің мақсаты – жергілікті фермерлерге өнімдерін, соның ішінде әлеуметтік маңызы бар азық-түлікті ұсынуға мүмкіндік беру, ал тұрғындарға қолжетімді бағамен сатып алуға жағдай жасау.

Апта сайын жәрмеңкеге 45 мыңнан астам адам келеді.