Алматыда жас мамандардың шеберлігін шыңдайтын құзыреттілік орталығы ашылды

Алматыда жас мамандардың шеберлігін шыңдайтын қаладағы тоғызыншы құзыреттілік орталығы ашылды, деп хабарлайды Almaty.tv.

 Білікті кадрларды даярлайтын мансаптар алаңы Алматы көпсалалы колледжінің базасында орналасып, негізгі 4 бағыт бойынша білім береді.  Студенттер оқу барысында игерген қабілеттін тәжірибе жүзінде көрсетіп, өз бетінше жиһаз жасап, машина бөлшектерін құрып, сәулет және дизайнмен айналыса алады. Сондай-ақ орталықта сала мамандары тағылымдамадан өтіп, біліктілігін де шыңдайды.

"Бұл құзіреттілік орталығы болашақта студенттердің білімін күшейтуге және стажировкадан өтіп, мамандық бойынша тәжрибеден өтеді және қалалақ, республикалық, халықаралық WorldSkills чемпионатына дайындық өтеді", – деді Алматы көпсалалы колледжінің директоры Асылхан Бейсетбаев.

"Кабинет ашылғалы жоба бойынша сурет саламыз және компьютерден логотип, сертификат жасаймыз", – деді студент Олжас Майлыбай.

Мамандығы бойынша шеберлігін дәлелдеп «Үздік медальон» иегерлері атанған студенттерді қала әкімінің орынбасары құттықтады. Іс-шара аясында әлемдік аренада жоғары кәсібилік көрсетіп, Францияда жас мамандар арасындағы WorldSkills International-да жүлделі орындармен оралған 9 студент марапатталды.

"WorldSkills-қа тосыннан қатыстым. Негізі мен гипсокартонмен жұмыс істейтін құрылыс мамандығына оқыдым. Әлемнің әр түкпірінен  жиналған мамандарды көріп, жарысу қызық болды. Бұл – болашағымыз үшін керемет мүмкіндік"– деді Worldskills international жүлдегері Михаил Попов.

Оқи отырыңыз: Талғарда жер сілкінісіне байланысты мектептерде сабақ өтпейтін болды