Алматыда жыл басынан бері 25 мыңнан астам шам ауыстырылды

2024 жылы Алматыда 25 мыңнан астам шам ауыстырылып, 250 шақырымнан астам кабель тартылып, 1800 тірек орнатылды. Бұл туралы «Алматы Қала Жарық» МКК басшысы Игорь Мысик мәлімдеді, деп хабарлайды Almaty.tv.

Алматыда шамамен 6 мың көше бар. Маманның айтуынша, олардың 85%-ы толық жарықтандырылған.

Дегенмен, Мысиктің айтуынша, жаңа шамдар орнатумен қатар бригадалар ескі желілерді де қалпына келтірумен айналысады, олардың кейбірі сынған.

«Мысалы, бір көшеде белгілі бір учаске істен шығады, біз оны жөндейміз, ал бірнеше күннен кейін сол сияқты ақау басқа жерде пайда болады, содан бүкіл көше қайтадан жарықсыз қалады. Осыған байланысты тұтас аудандардың жарықсыз қалғаны туралы шағым түсіп жатыр», - деді ол.

Еске сала кетейік, «Алматы Қала Жарық» биыл қаңтардан бастап қаланың көп бөлігіндегі жарықтандыруға жауапты. Бірнеше жыл бойы Алматыдағы сыртқы жарықтандыруды үш компаниядан тұратын жеке консорциум - «ABM-Building 2007» ЖШС, «Электроремонт» ЖШС және «ABM-Project» ЖШС қамтамасыз етіп келген. АКЖ басшысының айтуынша, консорциум жаңғырту бағдарламасын жүзеге асыра алмағандықтан, қазір олар тұрғындардың ыңғайлы болу үшін жағдайды түзетуге мәжбүр.

Оқи отырыңыз: Алматыда кәсіпкерлер бас қосты