Алматыдағы сайлау учаскелерінде кезек пайда болды

Алматыда дауыс беру учаскелері ашылған сәттен бастап кейбірінде Құрылтай сайлауына қатысуға ниетті азаматтардың кезегі байқалды, деп хабарлайды Almaty.tv.

Тұрғындар сайлау учаскелері ашылғаннан кейін бірден дерлік дауыс беруге келе бастады. Сайлау учаскелері орналасқан мектептер, колледждер және өзге де ғимараттардың кіреберістерінде кезек пайда болды. 

Адам санының көптігіне қарамастан, дауыс беру процесі тыныш әрі ұйымдасқан түрде өтіп жатыр.

Көптеген қала тұрғыны сайлауға отбасымен, достарымен және әріптестерімен бірге келуде. Кейбірі демалыс күнінің қалған уақытын туған-туыстары мен жақындарына арнау үшін таңертең ерте дауыс беруді жөн көргендерін айтады.

Кезегін күтіп тұрған алматылықтар сайлауға қатысуды маңызды азаматтық парыз әрі өз ұстанымын білдіру мүмкіндігі деп санайтынын жеткізді.

Мегаполистегі сайлаушылардың жоғары белсенділігі қала тұрғындарының ел үшін маңызды оқиғаға деген қызығушылығының жоғары екенін көрсетеді. Сайлау учаскелеріндегі дауыс беру күні бойы жалғасады.

Оқи отырыңыз: Алматыдағы №102 учаскесіне сайлаушылар ашылған кезден келе бастады