Елдің болашағы саналы шешімдерге байланысты - музыкант Аяулым Құнанбай

Музыкант, ҚР мәдениет саласының үздігі Аяулым Құнанбай Қазақстанда атом электр станциясының (АЭС) салу жөніндегі референдумға қатысты. Артист Зерделi шағын ауданындағы №182 мектепте орналасқан №28 сайлау учаскесіне барып, дауыс берді.

«Қазақстанның болашағы әр азаматтың саналы шешіміне байланысты», - деп Аяулым Құнанбай осындай ауқымды және ел үшін маңызды іс-шараларда дауыс берудің маңыздылығын атап өтті. 

Өнер иесі белсенді азаматтық ұстаным елдің дамуына деген адалдық пен болашақ ұрпаққа деген қамқорлықтың көрінісі екенін айтты.

«Референдумға қатысу – бұл менің еліміздің болашағына қосқан үлесім. Мұндай мәселелер жауапкершілікті және біздің таңдауымыз балаларымыз бен немерелеріміздің өміріне қалай әсер ететінін түсінуді талап етеді. Әрбір дауыстың маңызды екеніне сенімдімін», – деді ол. 

Естеріңізге сала кетейік, бүгін Қазақстанда АЭС құрылысы мәселесі бойынша референдум өтіп жатыр. Барлық азамат сайлау учаскесіне барып, сағат 20:00-ге дейін өз таңдауын жасай алады.

Оқи отырыңыз:   Алматыда пара биден спорт шебері референдумда дауыс берді