Дархан Сатыбалды алматылықтарды Конституция күнімен құттықтады

Алматы қаласының әкімі Дархан Сатыбалды Қазақстан Республикасы Конституциясының 30 жылдығына орай қала халқын мерекемен құттықтады, деп хабарлайды  Аlmaty.tv.   

«Құрметті алматылықтар мен қала қонақтары!

Сіздерді Қазақстан Республикасының Конституциясы күнімен шын жүректен құттықтаймын!

Бұл мерейлі мереке – мемлекетіміздің тәуелсіздігі, еркіндігі мен таңдау құқығы сынды басты құндылықтарды айшықтайды.

Конституция әрбір азаматтың сөз бостандығы мен ой еркіндігінің кепілі бола отырып, еліміздің болашағын бірге құру үшін сайлауға қатысу құқығын береді.

Алматы – тәуелсіздігіміздің алтын бесігі, Қазақстанның іргетасы алғаш қаланған қала. Ол өзінің зеңгір көк аспанында еркіндіктің көк туын тұңғыш желбіреткен шаһар.

Баршаңызға амандық, бақ-береке тілеймін. Елімізде бірлік пен ынтымақ артып, Қазақстанымыздың еңсесі биік, іргесі берік болсын!

Мереке құтты болсын!», - делінген қала әкімінің құттықтауында.

Оқи отырыңыз: Ата заңнан биік ештеңе жоқ – Президент