Қазақстанда сәби өлімі азайып келеді – дәрігерлер

Елімізде сәби өлімі азайып келеді. Дүниежүзілік денсаулық сақтау ұйымының талаптарына ауысқалы нәрестелердің шетінеп кету коэффиценті былтыр едәуір төмендеген. Бұл туралы Алматыда өтіп жатқан Қазақстан балалар дәрігерлерінің Х съезінде айтылды, деп хабарлайды Almaty.tv тілшісі.

Алқалы жиында 10-ға жуық мемлекет пен еліміздің барлық өңірлерінен жиналған жетекші ғалымдар мен мамандар бас қосты. Екі күнге созылатын съезде балалардағы ауруларды емдеу мен диагностикалаудың заманауи әдістері, балалар хирургиясындағы өзекті мәселелер талқыланды.

Іс-шара аясында шеберлік сабақтары мен 12 ғылыми сессия ұйымдастырылады.

Сондай-ақ жиын барысында ғылыми жобалар ұсынылып, практикадағы ерекше клиникалық тәжірибелер ортаға салынады.  

«Ең басты проблама – ары қарай бала, сәби өлімін азайту. Бұл саладағы мақсат – неонатологияда эффективті перинатальды технологияларды ары қарай енгізу, перинаталды орталықтарды және балалар ауруханаларын жаңа стандарттарға сәйкестендіру», - деді Педиатрия және балалар хирургиясы ғылыми орталығы басқарма төрағасының орынбасары Ләззат Манжуова.

Оқи отырыңыз: Алматыда «Асыл қазынам» ұзақ өмір сүру фестивалі өтті