Тазалық мәдениеті: алматылық жастар Канье Уэстің концертінен кейін Орталық стадион аумағын тазалады

пресс-служба акима Алматы

Алматыдағы Орталық стадионда өткен Канье Уэстің (YE) ауқымды шоуы мыңдаған көрерменнің ыстық ықыласына бөленіп қана қоймай, қала жастарының игі бастамасымен түйінделді. Концерт аяқталған соң жас белсенділер стадион аумағын тазалауға шықты, деп хабарлайды Almaty.tv тілшісі.

Акция республикалық «Таза Қазақстан» бағдарламасы аясында өтті.

Қажетті құралдармен жабдықталған жастар концерттен кейін қалған қоқысты жинап, аумақты ретке келтірді. Олардың ұйымшыл еңбегінің арқасында аз уақыт ішінде трибуналар мен стадион маңы толық тазартылып, аумақ қайтадан таза әрі жинақы күйге келді.

Оқи отырыңыз: Ғарыштық ауқым: Канье Уэсттің Алматыдағы шоуы қалай өтіп жатыр