Орда: №507 сайлау учаскесі Қазақ хандығы дәуірінің нақышында безендірілді

Алматыдағы №507 сайлау учаскесінде «Орда» жобасы аясында Қазақ хандығы дәуірінің нақышындағы тақырыптық кеңістік жасалды. Учаскенің безендірілуі келушілерге дала мәдениеті мен Қазақстан тарихының рухын сезінуге мүмкіндік береді, деп хабарлайды Аlmaty.tv тілшісі.

Интерьерде ұлттық нақыштағы сәндік құрылым, дәстүрлі ою-өрнек пен хандық дәуірді еске түсіретін көркемдік шешім қолданылған.

«Орда» жобасы дауыс беру күнінің мазмұнын байытып, бүгінгі азаматтық үдерістердің ел тарихы және мәдени мұрасымен сабақтастығын айшықтауды көздейді.

Тақырыптық үлгіде безендірілген учаскеде келушілер дауыс беріп қана қоймай, ұлттық мәдениеттің түрлі қырымен таныса алады.

Оқи отырыңыз: Қызылорда облысында 104 жастағы соңыс ардагері дауыс берді