Меншікті өндіріс
Біз әлеуметтік желілердеміз
Алматылық спортшы Нариман Құрбанов әлем кубогы кезеңінің қола жүлдегері атанды
Алматы қаласының спортшысы, Қазақстан ұлттық құрамасының мүшесі Нариман Құрбанов Германияның Котбус қаласында өткен спорттық гимнастикадан Әлем кубогы кезеңінде қола жүлдеге ие болды. Бұл туралы Алматы қаласы Спорт басқармасының өкілдері айтты, - деп хабарлайды Аlmaty.tv.
Басқарма мәліметінше, ат снарядындағы жаттығулар финалында спортшы жоғары шеберлік деңгейін және бағдарламаны сенімді орындау арқылы 14,933 ұпай жинады. Жарыс қорытындысы бойынша Нариман Құрбанов құрметті үшінші орынды иеленіп, ұлттық құраманың қоржынына кезекті халықаралық жүлдені салды.
Котбус қаласында өтетін Әлем кубогы кезеңі жыл сайын әлемнің үздік гимнасттарын жинайтын әрі халықаралық спорт күнтізбесіндегі айтулы жарыстардың бірі саналады.
Оқи отырыңыз: Алматы Орталық қалалық клиникалық ауруханасының дәрігерлері жол-көлік апатына ұшыраған науқасты аяғына тұрғызды