Меншікті өндіріс
Біз әлеуметтік желілердеміз
Заң мен тәртіп: Алматыда "Сергек" камералары 3 млн-нан астам заңбұзушылықты тіркеді
Аталған жүйенің арқасында жол-көлік оқиғалары мен өлім-жітім азайды
Алматыда жол-көлік оқиғаларының саны "Сергек" аппараттық-бағдарламалық кешенін енгізгеннен кейін 17%-ға азайды, деп хабарлайды Аlmaty.tv.
Қалалық цифрландыру басқармасының басшысы Олжас Жанабектің айтуынша, "Сергек" кешендерінің үш жылдық жұмысы барысында Алматы жолдарында апаттар мен өлім-жітім деңгейі айтарлықтай төмендеді.
"Бүгінде мегаполисте 1641 "Сергек" кешені жұмыс істеп тұр, бұл 9152 бейнебақылау камерасын қамтиды. 2021 жылдан 2024 жылдың шілдесіне дейінгі аралықта жолдардағы өлім-жітім 40%-ға, жол-көлік оқиғаларының саны 17%-ға, ал апат салдарынан жарақат алғандардың саны 30%-ға азайды", - деді басқарма басшысы.
Сонымен қатар, жоба іске қосылғаннан бері қалалық бюджетке 44,08 миллиард теңге түскен.
Айта кетейік, тек биылғы жылдың тоғыз айында Алматыда 3 миллионнан астам құқық бұзушылық тіркеліп, 18,6 миллиард теңгеден астам айыппұл өндірілген.