Алматыда «Медеу» бөгетінің баспалдағына жыл сайынғы жүгіру жарысы өтеді

Алматыда «Медеу» бөгетінің баспалдағына дәстүрлі жүгіру жарысы өтеді. Бұл жыл сайын салауатты өмір салтын ұстанатын және спортпен айналысатын жүздеген адамның басын қосатын дәстүрлі спорттық іс-шара. 2026 жылы 27 маусымда өтетін жарыс қаланың ең ауқымды бұқаралық спорттық іс-шараларының бірі болмақ, деп хабарлайды Аlmaty.tv.

Іс-шараның мақсаты – бұқаралық спортты дамыту, салауатты өмір салтын насихаттау және тұрғындарды дене шынықтырумен тұрақты түрде айналысуға тарту. Жарысқа 7 жастан бастап және одан жоғары жастағы спортшылар мен спортсүйер қауым қатысады.

Қатысушылар жас ерекшеліктеріне қарай 100, 200, 500 және 842 баспалдақ қашықтықтары бойынша сынға түседі.

Жарыстың басталу кестесі:

* 09:30 – 100 баспалдақ;
* 10:30 – 200 баспалдақ;
* 11:30 – 500 баспалдақ;
* 13:30 – 842 баспалдақ.

«Медеу» бөгетінің баспалдағына жүгіру жарысы дәстүрлі түрде көптеген қатысушы мен көрерменді жинап, Алматыдағы ең танымал бұқаралық спорттық іс-шаралардың бірі саналады.

Күні: 27 маусым 2026 жыл.
Орны: «Медеу» бөгетінің баспалдағы.

Оқи отырыңыз: Алматыда заңсыз қоқыс үйінділерімен күресуге арналған цифрлық платформа таныстырылды