Алматыда Infinity Chess Cup Almaty 2026 инклюзивті шахмат турнирі өтті

пресс-служба акима города Алматы

Турнир қатысушыларға шеберлігін көрсетуге, тәжірибе жинауға және бәсекелі ортада ойнауға мүмкіндік берді

Алматыда Infinity Chess Cup Almaty 2026 инклюзивті шахмат турнирі өтті. Жарысқа есту және көру қабілеті бұзылған, сондай-ақ тірек-қимыл аппараты зақымданған шахматшылар қатысты, - деп хабарлайды Almaty.tv.

Бұл туралы Алматының Жұмыспен қамту және әлеуметтік бағдарламалар басқармасының өкілдері хабарлады.

Сайыс швейцариялық жүйе бойынша жеті турдан тұрды. Ойын нәтижелері рейтинг есептеу кезінде ескерілді. Жалпы жүлде қоры 1 млн теңге.

Жарысқа тәжірибесі мен дайындық деңгейі әртүрлі шахматшылар қатысып, өзара бақ сынады. Турнир қатысушыларға шеберлігін көрсетуге, тәжірибе жинауға және бәсекелі ортада ойнауға мүмкіндік берді