Алматыда жыл басынан бері шығарындылары белгіленген нормадан асатын 900-ден астам автокөлік анықталды

2026 жылғы 2 қаңтар мен 30 маусым аралығында «Eco Almaty» ЖШС-нің жылжымалы экологиялық зертханалары Алматы қаласы Полиция департаментімен бірлесіп 3 427 автокөлікке тексеру жүргізді, деп хабарлайды Аlmaty.tv.

Мониторинг Алматы қаласының атмосфералық ауасын қорғау қағидаларын іске асыру аясында өткізілуде.

Тексеру нәтижесінде 913 автокөліктен экологиялық нормативтердің белгіленген деңгейден асқаны анықталды. Оның ішінде 404-і бензинмен, 505-і дизель отынымен, ал 4-і газбен жүретін көліктер.

«Eco Almaty» ЖШС мәліметінше, автокөліктердің зиянды шығарындыларын бақылауға бағытталған рейдтік іс-шаралар алдағы уақытта да жалғасады.

Оқи отырыңыз: Алматы тұрғындары экоакция барысында 1200-ден астам пластик қақпақты қайта өңдеуге тапсырды