Алматыда жатыр мойны обырының алдын алу екпе мен скрининг арқылы күшейтіледі

2025 жылы Алматыда жатыр мойны обырының 179 жаңа жағдайы тіркелді, олардың 97%-ға дейіні адам папиллома вирусымен (АПВ) байланысты. Бұл туралы Алматы қаласының қоғамдық денсаулық сақтау басқармасының өкілдері хабарлады, - деп хабарлайды Аlmaty.tv.

Қалада АПВ-ға қарсы вакцинация бойынша ақпараттық-түсіндіру жұмыстары жүргізілуде. Медицина қызметкерлері мектептерге барып, қыз балалар мен олардың ата-аналарына екпенің алдын алу шарасы ретіндегі маңызын түсіндіреді.

2024 жылдан бастап Қазақстанда жасөспірім қыздарды екпе салу қолға алынған. 11-13 жастағы қыздар екпені мектептерде де, тіркелген емханаларында да тегін алады.

Сонымен қатар, 30-74 жас аралығындағы әйелдерді қамтитын ұлттық скрининг бағдарламасы да жұмыс істейді. Ол ПАП сынағы мен АПВ тестілеуді қамтып, қатерлі ісікке дейінгі өзгерістерді ерте кезеңде анықтауға мүмкіндік береді.

Мамандардың айтуынша, вакцинация мен тұрақты скринингті қатар жүргізу аурудың даму қаупін айтарлықтай төмендетеді.

Оқи отырыңыз: Алматыда Ұлттық кітап күні қарсаңында Бигелді Ғабдуллиннің жаңа кітабының тұсаукесері өтті