Алматыда ШОБ-тағы екі мың жобаны қолдау үшін 70 млрд теңгеден астам қаражат бөлінеді

940 мыңнан астам алматылықтар ШОБ саласында жұмыс істейді. Бұл туралы Орталық коммуникациялар қызметінде өткен брифинг барысында Алматы әкімі Ерболат Досаев мәлімдеді, деп хабарлайды Almaty.tv қалалық әкімдіктің баспасөз қызметіне сілтеме жасап.

Алматы экономикасын әртараптандырудың басты драйвері - шағын және орта бизнесті дамыту.  

"Бүгінде бұл салада қалада жұмыспен қамтылғандардың жалпы санының 85% - дан астамы немесе 942 мыңға жуық алматылықтар жұмыс істейді", - деп атап өтті қала басшысы.

ШОБ-ты дамытуға 2024 жылы бюджеттен 1,8 мың жаңа жобаны қолдау үшін 53,1 млрд теңге бөлінді, 2025 жылға 71 млрд теңге бөлу жоспарлануда, бұл ШОБ-тың тағы 2 мың жаңа жобасын қолдауға мүмкіндік береді.  

"Біздің мақсатымыз – қала экономикасына шағын және орта бизнестің үлесін 2024 жылғы 60% - дан 2030 жылға қарай 75% - ға дейін арттыру", - деп атап өтті Ерболат Досаев.

Оқи отырыңыз: Алматыда BRT желісінің жалпы ұзындығы 30,5 км болады – Ерболат Досаев