«Қазгидромет» РМК Қазақстан қалаларындағы 15 ақпан күнгі ауа сапасы туралы болжамын жариялады, деп хабарлайды Almaty.tv.
Атап айтқанда, қолайсыз метеорологиялық жағдай Ақтау, Алматы, Қарағанды, Талдықорған, Қызылорда, Нұр-Сұлтан және Павлодар қалаларында болады. Өзге шаһарларда метеоахуал қалыпты.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
МЖ жағдайында елді мекендердегі атмосфералық ауаның сапасы нашарлауы ықтимал.
