Бүгін еліміздің екі қаласында ауа сапасы нашарлайды

«Қазгидромет» республикалық мемлекеттік кәсіпорны 2 ақпан күні Қазақстан қалаларында ауа сапасы қандай болатынын жариялады, деп хабарлайды Almaty.tv.

Сейсенбі күні Қазақстанның екі қаласында – Теміртау мен Нұр-Сұлтанда қолайсыз метеорологиялық жағдай қалыптасып, ауа ластануы мүмкін.

Басқа шаһарларда метеоахуал - бірқалыпты.

Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.