|
08.05.2023 | 12:17
955

Каспийде итбалық қырылып қалды

Аталған дерек бойынша қылмыстық іс қозғалды

Каспийде итбалық қырылып қалды Фото facebook парақшасынан алынды

6 мамыр күні Каспий теңізі жағалауынан 15 итбалық және 4 бекіре балығының өлексесі табылды. Оқиға бойынша қылмыстық іс қозғалды. Бұл туралы Экология және табиғи ресурстар министрлігі Балық шаруашылығы комитетінің Facebook парақшасына жазды, деп хабарлайды Almaty.tv.

- 6 мамыр күні жергілікті уақыт сағат 19:00 шамасында түскен ақпаратқа сәйкес, Жайық – Каспий облысаралық бассейндік балық шаруашылығы инспекциясы мен Маңғыстау облыстық балық инспекциясы басқармасының мемлекеттік инспекторлары мониторинг жүргізу барысында Түпқараған ауданы Баутино ауылы тұсындағы Каспий теңізі жағалауынан 15 итбалық пен 4 бекіре балығының өлексесін тапты.

Маңғыстау облысы бойынша Экология департаменті итбалықтар табылған жерден су мен ауа сынамаларын алды. Табылған теңіз жануарлары ұшаларының ыдырау деңгейі жоғарғы дәрежеде болғандықтан, оқиға себебін анықтау үшін гистологиялық сынама алу мүмкін болмады, - делінген Балық шаруашылығы комитетінің Facebook-парақшасында жарияланған хабарламада.

Аталған дерек бойынша қылмыстық іс қозғалды. Оның шеңберінде жануарлардың өліміне себеп болған мән-жай анықталады. Балық шаруалшылығы комитеті таратқан ақпаратқа сай, инспекция қызметкерлері Каспий теңізінің жағалауына мониторинг жүргізіп жатыр.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир