Алматыда жаңа аллея пайда болды

Алматыда микроқаржы ұйымдарының бастамасымен жаңа аллея пайда болды. Қауымдастық компания өкілдері журналистермен бірге Б. Әшімов көшесі аймағына 100-ге жуық ағаш отырғызды, деп хабарлайды Almaty.tv.

Микроқаржы ұйым өкілдері лма ағашын отырғызу арқылы қаланы көгалдандыру ісіне және экологияны жақсартуға үлес қоспақ.

«Акция арқылы өзге бизнес өкілдеріне үлгі көрсетіп жатырмыз. Алматы қаласының экологиясына қатысты көп сұрақ қойылды, жауабын табу үшін шешім қабылдадық. Осындай акция көбірек болса, менің ойымша, Алматы қаласында экология мәселесі шешіледі», – деді Қазақстан микроқаржы ұйымдары қауымдастығының сарапшысы Ақжүніс Бірасылова.