Жамбыл облысында бір топ қар барысы түскен видео жарияланды, деп хабарлайды Almaty.tv.
Мамандардың айтуынша, бұл – тау экожүйесі жағдайының жақсы екенін, азық-түлік базасының жеткіліктілігін және Меркі орман және жануарлар әлемін қорғау мекемесі жүзеге асыратын экологиялық шаралардың тиімділігін көрсетеді. Сондай-ақ, бұл жағдайлар Меркі ауданында ерекше қорғалатын табиғи аумақ құруға жеткілікті негіз екенін атап өтті. Айта кетейік, қар барысы – әлемнің 12 елінде сирек кездесетін және аз зерттелген жыртқыш аң. Популяцияның азаюы және жойылу қаупіне байланысты олар Қазақстанның Қызыл кітабына енген.
