|
12.04.2022 | 16:19
2319

Алматыда жыл сайын 61 мың ағашқа санитарлық кесу жүргізіледі

Санитарлық кесу ағашты құрғақ бұтақтардан арылтады

Алматыда жыл сайын 61 мың ағашқа санитарлық кесу жүргізіледі centraltexastreecare.com

Алматыда ағаштарды санитарлық кесу маусымдық іс-шара. Алматы өңірлік коммуникациялар қызметінің брифингінде жасыл желектердің, соның ішінде апатты жағдай туралы қалалық Жасыл экономика басқармасы басшысының м.а. Серік Әділбаев айтып берді, деп хабарлайды Almaty.tv.

Санитарлық кесу ағашты құрғақ бұтақтардан арылтады. Егер санитарлық кесу үнемі жүргізілсе, тәж сауығады, ағаштың немесе қабықтың әртүрлі аурудың пайда болу ықтималдығы төмендейді.

Аудандық әкімдіктерге 19 мың ағашты міндетті түрде өтемдік отырғызумен 1,9 мың ағашты кесуге 54 млн теңге бөлінді.

«Біз жасыл кеңістіктердің тәжін санитарлық, жасартатын және пішіндейтін кесуді жүзеге асырамыз. Жыл сайын аудандық әкімдіктер 61 мың ағашты кеседі», - деді С. Әділбаев.

Спикердің айтуынша, ағаштарды санитарлық кесу – бұл адамдарға қауіп төндіретін бұтақтарын алып тастау.

Жасыл экономика басқармасының ақпараты бойынша, түгендеу және орман патологиялық зерттеуден өткен Алматы қаласында 2 802 737 ағаш өсетіндігін көрсетті, оның ішінде 84 628-і апатты.  Негізінен апатты ағаштар қаланың орталық бөлігінде және тыныш аудандарда орналасқан.

Биылғы жылы 242 ағаш діңдері мен ірі бұтақтардың құлау жағдайы тіркелді (ағаш діңдерінің құлауы – 185, үлкен бұтақтар – 57). Құлауды жою бойынша жұмыстар аудан әкімдері аппараттарының коммуналдық қызметтерінің және Алматы қаласының құтқару қызметінің күшімен орындалды.

Апатты жағдайдағы ағаштар кесілген жерлерде жаңа көшеттерді өтемдік отырғызу жүргізіледі, бұл Алматы қаласының жасыл қорын жаңартуға қызмет етеді.

Спикердің айтуынша, ағаштарды кесу (қайта отырғызу) Алматы қаласы Жасыл экономика басқармасының рұқсатымен жүзеге асырылады. Ағаштарды кесуге рұқсат алу үшін белгіленген тәртіппен құжаттарды электрондық нысанда E-gov (e-license – қоршаған ортаны қорғау – ағаштарды кесуге рұқсат беру – Қызметке онлайн тапсырыс беру) электрондық үкіметі арқылы жіберу қажет.

Шығынды  өтеу жағдайлары туралы айта келе, Серік Әділбаев жасыл желектер құлаған кезде мүлікке зақым келген жағдайда іргелес аумақтың иесі 5 метр шекарада жауапты екенін атап өтті. Жалпы пайдаланылатын жерлерде жауапкершілік осы учаскеге қызмет көрсететін көгалдандыру жөніндегі ұйымдарға (аудан әкімдігі) бекітілген. Сондай-ақ, ол шығынды өтеуді қарау процесі жеке сипатқа ие екенін және әдетте сот арқылы қаралатынын хабарлады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир