|
10.10.2022 | 19:11
1681

Студенттер EcoStudentKZ челленджіне қатысты

Сенбілікке 10-ға жуық арнайы техника жұмылдырылып, 80 текше метр қоқыс пен жапырақтар жиналды

Студенттер EcoStudentKZ челленджіне қатысты пресс-служба КазНУ им. аль-Фараби

Әл-Фараби атындағы Қазақ ұлттық университетінің студенттері EcoStudentKZ республикалық челленджіне қызу қолдау білдірді. ҚазҰУ жастары танымал туристік орындар – Көкжайлау үстірті мен Бутаковка шатқалын қоқыстардан тазарту жұмыстарына қатысты, деп хабарлайды Almaty.tv тілшісі әл-Фараби атындағы ҚазҰУ-дың баспасөз қызметіне сілтеме жасап.

Экоеріктілер қатарынан табылған ҚазҰУ-дың механика-математика факультетінің 2-курс студенті Қалан Таңнұр: «ҚазҰУ студенттері Алматы жастары және қала әкімдігімен бірге үлкен игілікті іс атқарды деп ойлаймын. Мен барша қала тұрғындарын тазалықты сақтауға шақырамын. Мұндай шаралардың жастар арасында экологиялық мәдениетті қалыптастыруға ықпалы зор», – деп атап өтті.

Экологиялық акция аясында әл-Фараби атындағы ҚазҰУ қалашығында да жалпы университеттік сенбілік өтті. Оған университет басшылығы, оқытушы-профессорлар құрамы мен студенттер – барлығы 4000-нан астам адам атсалысты.  

Білім ордасының басшысы Жансейіт Түймебаев қалашықта өткен сенбілікке арнайы келіп, атқарылып жатқан жұмыстардың жай-күйін пысықтады. Ректор акцияға қатысушы жастармен пікірлесіп, қоршаған ортаға қамқорлық танытуға шақырды.

Сенбілікке 10-ға жуық арнайы техника жұмылдырылып, 80 текше метр қоқыс пен жапырақтар жиналды.

Соңы жастардың көңілді кешіне ұласып, домбыра, гитара аспаптарының сүйемелдеуімен әндер шырқалып, күй тартылды.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир