|
22.05.2019 | 14:10
2301

Ұлттық банк Нұр-Сұлтанға көшуі мүмкін

Председатель Национального банка Казахстана Ерболат Досаев сообщил о планах по переезду национального банка из Алматы в столицу

Ұлттық банк Нұр-Сұлтанға көшуі мүмкін

ҚР Ұлттық банкінің Нұр-Сұлтан қаласына көшуі жақын арада іске асырылуы мүмкін. Бұл туралы Парламент Мәжілісінде тілшілер сауалына жауап беру кезінде ҰБ басшысы Ерболат Досаев мәлім етті, деп хабарлайды ҚазАқпарат.

Бұған дейін хабарланғандай, Е. Досаев жаңадан құрылатын Қаржы нарықтарын реттеу мен дамыту агенттігі Алматыда орналасатынын айтты.  Агенттік жұмысын 2020 жылдың 1 қаңтарынан бастайды. Ұлттық банкті елордаға көшіру бастамасы біраз жылдан бері қарастырылып келе жатқанына тоқталған ол, «қажетті заңнама қабылданғаннан кейін осында көшу ниетіміз бар. Атап айтқанда тиісті жоспар бар, себебі көшу үрдісі дұрыс жүргізілуі керек. Бүгінде Ұлттық банк қажетті жұмыстарды атқаруда, дайын болғаннан кейін біз оны жариялаймыз», - деді.

Е.Досаевтың сөзіне қарағанда, Ұлттық банктің елордаға жақын арада көшуі пысықталып жатыр. 

«Көшу үшін тиісті инфрақұрылымды даярлау керек. Ұлттық банктің өзінің кеңсесі болуы тиіс, сәйкесінше оған тиісті уақыт керек. Сондықтан біз көшудің қадамдарын талқылап жатырмыз. Сонымен қатар, уақытша негізде  қолданыстағы ғимаратқа немесе жалға алу тәртібін және басқа да мүмкіндіктерді қарастырудамыз»,  - деді ол.  


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир