Бюджет шығысы 1,3 триллион теңгеге ұлғаяды

Бюджет шығыстары 1,3 триллион теңгеге ұлғаяды. Бүгін Сенат депутаттары «2021-2023» жылдарға арналған республикалық бюджет туралы» заңға енгізілген түзетулерді қабылдады, деп хабарлайды Almaty.tv.

Нақтылау «Nur Otan» партиясының сайлауалды бағдарламасын, Мемлекет басшысының стратегиялық бастамалары мен тапсырмаларын қаржылық қамтамасыз етуге, сондай-ақ COVID-19 - бен күресуге бағытталған.

«Аталған мәселелерді шешу үшін 1,3 трлн. теңге сомасында қосымша шығыстар көзделді... Бюджетті нақтылау нәтижесінде оның әлеуметтік басымдығы сақталған, ал нақты сектор мен өңірлерді қолдау күшейтілді. Бұл туралы бюджет шығыстарының құрылымы көрсетіп отыр. Осылайша, оның 723 млрд. теңге сомасында едәуір үлкен бөлігі экономиканың нақты секторын қолдауға бағытталған», – деді ҚР Қаржы министрі Ерұлан Жамаубаев.