Коронавирус пен пневмониядан бір күнде 19 адам қайтыс болды

ҚР Денсаулық сақтау министрлігі соңғы тәулікте коронавирустан көз жұмғандар статистикасын жариялады, деп хабарлайды Almaty.tv.

Оған сәйкес, 13 қараша күні Қазақстан аумағында 15 адам - коронавирустан, тағы 4 сырқат - пневмониядан қайтқан. Коронавирустан ажал құшқандардың ішінде ең көбі Алматы қаласында - 3 науқас. Қарағанды, Солтүстік Қазақстан, Павлодар, Ақтөбе облыстарында - 2, Шымкент қаласында және Батыс Қазақстан, Маңғыстау, Алматы облыстарында - бір адамнан көз жұмған. Тек Нұр-Сұлтан қаласы мен Қызылорда, Қостанай, Түркістан, Атырау, Шығыс Қазақстан, Ақмола, Жамбыл облыстарында ғана коронавирустан өлім-жітім болған жоқ.