Коронавирус салдарынан комаға түскен жүкті әйел дені сау баланы дүниеге әкелді

АҚШ-тың Ванкувер қаласының аяғы ауыр тұрғыны коронавирустан емделу кезінде жасанды комаға түскен. Алайда бұл келіншектің дүниеге дені сау бала әкелуіне кедергі келтірмепті деп хабарлайды Kaz.nur.kz РИА Новостиге сілтеме жасап.

24 наурызда 27 жастағы Ангела Примаченконың инфекцияға тапсырған сынамасы оң нәтиже көрсеткен. Ауру белгілерінің күшеюіне байланысты дәрігерлер әйел адамды ауруханаға жатқызып, жасанды комаға түсіруге шешім қабылдайды.

Өкпені жасанды желдету аппаратына қосылған кезінде Примаченко жүктіліктің 33 аптасында болған. Ол комада жатқан кезінде босанған. Қазір нәресте жансақтау бөлімінде дәрігерлердің бақылауында. Ол қауіпті вирусты жұқтырмаған.