Нұр-Сұлтанда карантин күшейтілді

Нұр-Сұлтанның бас санитар дәрігерінің 13 қазандағы карантинді қатаңдату туралы қаулысы жарияланды, деп хабарлайды Almaty.tv тілшісі Tengrinews.kz-ке сілтеме жасап.

Тұрғындар арасында COVID-19-тың тарауына байланысты қалада жаңа шектеу және карантин шаралары енгізілді.

Қаулы 14 қазаннан бастап күшіне енеді.

Біріншіден. Жергілікті атқарушы органдар мен олардың квазимемлекеттік секторы қызметкерлерінің кем дегенде 60 пайызы қашықтықтан жұмыс істеуге ауысады. Жабық бөлмелерде адамдар көп болатын жеке ұйымдар да жұмысшыларды қашықтағы жұмыс режиміне ауысуы керек. Инфекцияның негізгі ошақтары - ұжымдық (еңбек) ошақтар. Жергілікті жерлерде қатаң санитарлық-эпидемиологиялық нормалардың сақталуына бақылауды күшейту қажет.

Екіншіден. Кафелер, мейрамханалар, барлар, асханалар және басқа тамақтандыру нысандарының жұмыс уақыты 22:00-ге дейін қысқартылды (09:00-ден 22:00-ге дейін). Жұмыс күндері де, демалыс күндері де. Орындар саны 30-дан аспауы қажет.

Нотариустардың, адвокаттардың, есепшілердің, консалтингтік, жылжымайтын мүлік агенттіктерінің, жарнама агенттіктерінің, сот орындаушыларының, туроператорлардың және басқалардың жұмыс уақыты - 18:00-ге дейін (09:00-ден 18:00-ге дейін). Жұмыс күндері де, демалыс күндері де. Азық-түлік емес тауарлар мен заттарды сатуға арналған дүкендердің жұмысына тек жұмыс күндері 18:00-ге дейін рұқсат етіледі.

Жексенбіде қоғамдық көліктердің жұмысы тоқтатылып, автобустар дезинфекция жүргізіледі.

Үшіншіден. Полиция санитарлық дәрігерлермен бірлесіп, күнделікті рейдтік жұмыстарды күшейтуі және санитарлық нормалардың бұзылуын анықтауы қажет.