|
26.01.2021 | 09:42
856

Атырау облысында коронавирус вакцинасын салу үшін 22 емханадан орын дайындалды

Коронавирусқа қарсы екпе салу ақпан айында басталады

Атырау облысында коронавирус вакцинасын салу үшін 22 емханадан орын дайындалды  Фото: ашық дереккөзден


Атырау облысында коронавирусқа қарсы екпе салу ақпан айында басталады, деп хабарлайды Almaty.tv тілшісі ҚазАқпаратқа сілтеме жасап.

Облыстық денсаулық сақтау басқармасы баспасөз қызметінің мәліметінше, екпені алдыңғы кезекте медицина мамандарына салу жоспарланып отыр. 

«Денсаулық сақтау министрлігі бекітетін алгоритмге сәйкес, тұрғындарға ерікті түрде екпе салу вакцинаға жауапты медицина мамандары кәсіби оқудан өткеннен кейін ақпан айында басталады. Облыс тұрғындарына вакцина салу үшін бастапқы медициналық-санитарлық көмек көрсететін 22 ұйымда орын дайындалды. Оның ішінде 15 мемлекеттік ұйым бар. Қалғаны – жекеменшік медициналық ұйымдар», – деп хабарлады басқарманың баспасөз қызметі. 

Емханалар вакцина салуды тұрғындардың санына қарай ерікті түрде бастайды. Алгоритмге сәйкес, екпені бірінші кезекте коронавирус инфекциясын жұқтырған науқастарға көмек көрсететін медицина мамандарына салу жоспарланып отыр.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир