Қостанай қаласының әкімі коронавирус жұқтырды

Қостанай қаласының басшысы Қайрат Ахметов коронавирусқа шалдықты,  деп хабарлайды  Almaty.tv тілішісі. Бұл туралы әкім өзінің Instagram парақшасында жазды.

«Құрметті қостанайлықтар! Барлық сақтық шараларын қатаң сақтауыма қарамастан, өкінішке орай, Covid-19-ға тапсырған тестім оң нәтиже көрсетті. Осы себеппен өз-өзімді оқшаулауға көшемін және жұмысымды қашықтан жалғастырамын. Осыған орай, қала тұрғындарын белгіленген барлық талаптар мен қажетті қауіпсіздік шараларын қатаң сақтауға шақырамын. Біздің міндетіміз – шыдамдылық танытып, тазалыққа үлкен мән беру, өз отбасымызды қауіп-қатерден қорғау»,– деді Қайрат Ахметов. 

Шаһар басшысы мұндай қиын жағдайда денсаулықты қорғауға саналы түрде қарау керектігін атап өтті. Ол тұрғындарды сақтық шараларына барынша ұқыпты қарауға шақырды.