Қазақстандағы коронавирус: Батыс Қазақстан «қызыл» аймаққа кірді

Денсаулық сақтау министрлігі 20 қаңтардағы эпидемиологиялық ахуалды бағалау матрицасын жариялады, деп хабарлайды Almaty.tv тілшісі ҚазАқпаратқа сілтеме жасап.

Еске сала кетсек кеше, яғни 19 қаңтарда Денсаулық сақтау министрі Алексей Цой сол күнгі жағдай бойынша «қызыл» аймақта 6 өңір (Ақмола, Павлодар, Атырау, Қостанай, Солтүстік Қазақстан облыстары мен Нұр-Сұлтан қаласы), ал «сары» аймақта үш өңір (БҚО, Алматы мен Қарағанды облыстары) тұрғанын мәлім еткен еді . 

Бүгінгі матрица «қызыл» аймаққа Батыс Қазақстанның кіргенін көрсетіп тұр. Ал «сары» аймақта Алматы мен Қарағанды облысы бар. Қалған өңірлердің бәрі де «жасыл» аймақта орналасқан. Ал жалпы Қазақстан халықаралық деңгейде індет қаупі жағынан «сары» аймаққа енгізілген.