20 сәуірден бастап қандай кәсіпорындар жұмысқа кіріседі

Алматы мен астанада 20 сәуірден бастап жұмысын жандандыратын кәсіпорындар санитарлық-эпидемиологиялық талаптарды қатаң сақтауы тиіс, деп хабарлайды Sputnik Қазақстан.

Жұмысқа кірісетін қызмет түрлері

Нұр-Сұлтан қаласында:

өнеркәсіптік кәсіпорындар;

құрылыс және жол-құрылыс салаларының компаниялары, ірі құрылыс дүкендері;

көлік, қоймалау салаларындағы компаниялар, ауыл шаруашылығы мақсатындағы сервистік компаниялар;

автосалондар, көлікке техникалық қызмет көрсету станциялары, авто жуу, дөңгелек ауыстыру сервисі, автобөлшектер дүкендері, химиялық тазалау, кеңсе техникасын жөндеу;

екінші деңгейлі банктер сағат 9:00-ден 16:00-ге дейін штат санының 50%-ын шектеумен, нотаруистер алдын ала жазылу бойынша жұмыс істейді;

қоғамдық тамақтану нысандарының жұмысы тек өзімен алып кету және жеткізу қызметімен сағат 22:00-ге дейін ұзартылады.

Алматы қаласында:

өнеркәсіптік кәсіпорындар;

құрылыс және жол-құрылыс салаларының компаниялары, құрылыс материалдарының ірі көтерме базарлары;

нотариустер алдын ала жазылу бойынша;

тек бизнеске қызмет көрсету үшін халыққа қызмет көрсету орталығының бір бөлімшесі (Наурызбай ауданы, Шұғыла шағын ауданы, 347/1).

Еске сала кетсек, Қазақстанда төтенше жағдай режимі 2020 жылдың 1 мамыры сағат 07.00-ге дейін ұзартылған болатын.