Өткен тәулікте Қазақстанда 110 адам коронавирус инфекциясын жұқтырды, деп хабарлайды Almaty.tv тілшісі ҚазАқпаратқа сілтеме жасап.
Оның ішінде: Нұр-Сұлтан қаласында - 29, Алматы қаласында - 56, Шымкент қаласында – 7, Ақмола облысында – 2, Ақтөбе облысында 0, Алматы облысында - 1, Атырау облысында - 2, Шығыс Қазақстан облысында - 0, Жамбыл облысында - 4, Батыс Қазақстан облысында -0, Қарағанды облысында - 6, Қостанай облысында -0, Қызылорда облысында -0, Маңғыстау облысында - 0, Павлодар облысында - 1, Солтүстік Қазақстан облысында - 2, Түркістан облысында - 0.
Айта кетейік, коронавирус жұқтырғандар саны кеше, 28 маусымда 61 адамды құраған болатын. Сондай-ақ өткен тәулікте коронавирустан жазылып шыққандар саны 48 адамды құрап отыр.
Елімізде коронавирус инфекциясын жұқтырғандардың жалпы саны 1 306 471 жетті.
