Коронавирус: eGov-та қауіпті аймақ картасы іске қосылды

ЕGov-та коронавирустың қауіпті аймақтарының картасы пайда болды. Ол картадан коронавирус жұқтырғандар және олармен байланыста болған адамдардың қайда орналасқанын көруге болады, деп хабарлайды Almaty.tv тілшісі.

Картада көрсетілген қызыл белгішелер – коронавируспен науқас адамдардың стационарда орналасқан жері, ал көгілдір белгішелер – коронавирус жұқтырғандармен байланыста болған адамдардың тіркелген жері. Олар стационарлы немесе үй карантинінде болуы мүмкін.

Айта кетсек, 24 наурыз сағат 09:00 бойынша елімізде коронавирус жұқтырғандардың 66 жағдайы тіркелген. Олардың ішінде, Нұр-Сұлтан қаласында – 34 адам, Алматы қаласында – 28 адам, Қарағанды қаласында - 2, Алматы облысында - 1 адам, Ақтөбе облысында - 1 адам бар.