Меншікті өндіріс
Біз әлеуметтік желілердеміз
Мәулен Әшімбаев коронавирус жұқтырды
27.04.2021 16:15
Енді ол жұмысын қашықтан жалғастырады
Фото: inform.kz
Сенат спикері Мәулен Әшімбаев коронавирус жұқтырды, деп хабарлайды Almaty.tv.
Бұл туралы ол Facebook-те жазды.
«Құрметті достар! Барынша сақтанып жүргеніме қарамастан, соңғы сынама нәтижесінде коронавирус індетін жұқтырғаным анықталып отыр. Бірақ бойымда аурудың ешқандай белгілері жоқ. Әйтсе де оқшауланып, мамандардың барлық талаптарын қатаң сақтаудамын. Соған байланысты жұмысты да қашықтан жалғастырамын», – деп жазды Сенат депутаты.
Әшімбаев індеттің алдын алуға мән беру керегін айтты.
«Сондықтан арқаны кеңге салып, сақтық шараларына бейжай қарауға болмайды. Бұл, ең алдымен, өзіміз және туған-туыстарымыз үшін аса маңызды. Ендеше індеттің алдын алуға баса мән берейік. Аман болыңыздар», – деді ол.