Алматыда қазан айында эпидемиологиялық жағдай күрделене түсті – Жандарбек Бекшин

Алматыда қазан айында эпидемиологиялық жағдай күрделене түсті. Онлайн брифингте Жандарбек Бекшин өткен айға қарағанда жекелеген жағдайларда өсім байқалатынын айтты, деп хабарлайды Almaty.tv.

Ал 2 оқиға Мысырдан келген туристерде тіркелді. Сондықтан дүйім елге шет елге бармауға кеңес берді. Бас санитар дәрігер коронавирустық инфекцияның күтілетін жаңа толқынына байланысты сақтақ шараларын сақтауға шақырды. Ол әсіресе отбасылық  іс-шаралар өткізбеуге, адамдар көп жиналатын жерлерге бармауға үгіттеді. Алматыда ПТР талдауларын тәулігіне 22 мыңға жеткізу көзделіп отыр.

Ал, қалада құрылған 26 мониторингтік топ 8 қазаннан бастап жұмысын қайта бастады. 12 күннің ішінде 1500-ден аса тексерілу жүргізіліп, 360-тан астам заңбұзушылық анықталды. Оларға маска режимін бұзғаны үшін әкімшілік хаттамалар толтырылды. Дегенмен елдегі тұрақсыз жағдайға қарамастан той өткізетіндер саны тыйылмай тұр.

«КВИ бойынша тұрақсыз жағдайға қарамастан,  50-ден 100-ге дейін адам көп жиналатын салтанатты іс-шаралар (үйлену той, құдалық, ұзату той) өткізу жалғасуда. 14 қоғамдық тамақтану объектісі анықталды. 425-бабының 1-бөлігіне сәйкес 230 АЕК мөлшерінде әкімшілік шаралар қабылданатын болады», – деді қалалық Тауарлар мен қызметтердің сапасы мен қауіпсіздігін бақылау департаментінің басшысы Жандарбек Бекшин.