Елімізге ұшып келген 11 жолаушының ПТР-тесті болмаған

Қазақстанға ұшып келген жолаушылардың 98 пайызы ПТР-тест анықтамасымен келді. Бұл туралы көліктегі бас мемлекеттік санитар дәрігер Сәдуақас Байғабылов айтты, деп хабарлайды Almaty.tv тілшісі Tengrinews.kz-ке сілтеме жасап.

28 қазанға қараған түнде жеті әуе рейсі қонды. 652 жолаушы келді, оның ішінде 641-інде анықтама бар, 11-інде жоқ.

Нұр-Сұлтанға үш рейс, 233 жолаушы, анықтамасы бар - 225, анықтамасы жоқ - 8;

Алматыға екі рейс, 326 жолаушы, бәрінің анықтамасы бар;

Ақтауға екі рейс, 93 жолаушы, анықтамасы бар - 90, анықтамасы жоқ - үш адам.

Қазақстанға анықтамасыз келген азаматтар ПТР-тест тапсыру үшін Нұр-Сұлтан және Ақтау қалаларында карантин стационарына орналастырылды.  Жолаушылар Түркия, Беларусь, БАӘ және Тәжікстаннан келген.