|
02.04.2020 | 12:25
1426

Жамбыл облысында коронавирус жұқтырған жаңа екі жағдай туралы айтылды

Екі науқастың да жағдайы қанағаттанарлық, ауруы жеңіл түрде өтіп жатыр, хаттамаға сәйкес қажетті ем алып жатыр

Жамбыл облысында коронавирус жұқтырған жаңа екі жағдай туралы айтылды tengrinews.kz

1 сәуір сәрсенбі күні Жамбыл облысында коронавирус жұқтырған тағы екі адам анықталды. Олардың біреуі Тараз қаласының 41 жастағы тұрғыны, деп хабарлайды Almaty.tv  coronavirus2020.kz сайтына сілтеме жасап.

«Қызылорда-Петропавл» бағытындағы пойызда Түркістан облысының тұрғынымен байланыста болған. Оның Түркістан облысына оралған кезде індет жұқтырғаны белгілі болған еді.

Олармен байлланыста болған 8 адам карантин бөлімшесіне жатқызылды. Коронавирус инфекциясына талдау алынды.

Сонымен қатар, «Қызылорда-Петропавл» пойызында Түркістан облысының аталған тұрғынымен байланыста болған 7 жолаушы карантинге жатқызылды. Олардың қан талдауы теріс нәтиже көрсетті.

Екінші науқас 1991 жылғы Жамбыл облысының тұрғыны. Ол 30 наурызда өңірге Ресей Федерациясынан келген.

Келген кезде тәртіп бойынша карантин стационарына жатқызылды. Сынамасы оң нәтиже көрсеткеннен кейін инфекциялық стационарға ауыстырылды.

Екі науқастың да жағдайы қанағаттанарлық, ауруы жеңіл түрде өтіп жатыр, хаттамаға сәйкес қажетті ем алып жатыр.

Санитарлық-эпидемиялық қызметтер олардың тұрған жерлері мен болған орындарындағы ошақтарда дезинфекция жұмыстарын жүргізді.


ТЖ кезеңінде оқыс оқиғаларды болдырмаудың алдын алу шаралары жөнінде айтылды


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир