Мегаполисте эпидемияға қарсы ауқымды іс-шаралар жүргізіледі

Алматыда карантин 19 наурыздан, яғни бүгін түнгі 00.00-ДЕн бастап енгізіледі. Карантиннің басты мақсаты - қаланың сыртқы периметрін қатаң бақылауға алу және инфекцияның таралуын тоқтату, деп хабарлайды Almaty.tv.

Негізгі шаралар:

• Мегаполисте эпидемияға қарсы ауқымды іс-шаралар жүргізіледі;

• Көшелер мен тротуарлар дезинфекцияланады;

• Қоғамдық орындар мен тұрғын үйлер дезинфекцияланады және іргелес аумақтар санитарлық тазаланады;

• Азаматтар мен автокөлік құралдарының Алматы қаласы аумағына кіріп-шығуы шектеледі;

• Алматы қаласына кіреберістерде 27 блок бекеттері орнатылады;

• Блок бекеттерінде Патрульдік полиция полкінің, СОБРдың, «Гранит» полкінің, Қорғаныс министрлігі мен Ұлттық гвардия бөлімшелерінің күштері жұмылдырылады;

• Сонымен бірге, қалаға бірінші қажеттіліктегі тауарларды, азық-түлік өнімдерін, дәрі-дәрмектер мен медициналық өнімдерді, жеке қорғану және гигиена  құралдарын әкелу үшін «жасыл дәліз» жүзеге асырылады.

Карантин кезінде:

- балабақшалар;

- азық-түлік емес сауда орындары;

- азық-түлік өнімдері мен дәрілік заттарды сататын орындардан басқа, ірі сауда ойын-сауық орталықтары мен сауда үйлерінің жұмысы тоқтатылады