|
14.06.2020 | 13:29
4380

Денсаулық сақтау министрі Елжан Біртанов коронавирус жұқтырды

Министр жұқпалы аурулар ауруханасына жатқызылды

Денсаулық сақтау министрі Елжан Біртанов коронавирус жұқтырды tengrinews.kz

ҚР Денсаулық сақтау министрі Елжан Біртанов коронавирус жұқтырып, ауруханаға түсті, деп хабарлайды Almaty.tv.

Министр COVID-19 вирусын жұқтырып алғаны туралы Facebook парақшасында жазды.

«Достар, өздеріңізге жағымсыз жаңалық жеткізуіме тура келіп отыр. Коронавирусқа тапсырған соңғы тест нәтижесі нашар шықты, менен де ауру анықталды. Өкінішке қарай, мендегі симптомсыз форма емес, сондықтан жұқпалы аурулар ауруханасында жатырмын. Санитарлық шараларды қатаң сақтағаныма қарамастан, бұл індет мені де айналып өтпеді. Әсіресе, қашықтан, үйде отырып жұмыс істей алмайтын қызметкерлерге қиын. Соңғы күндері бірқатар өңірде, оның ішінде кәсіпкер, кәсіпорын, медицина мамандары, мемлекеттік, БАҚ қызметкерлері арасынан індет жұқтырғандар қатары артуда. Қазақстандағы жаһандық дағдарыс пен пандемия салдарынан пайда болған проблемаларды шешу үшін қазір көптеген азамат қарқынды жұмыс істеуде. Бізге жиі жеке кездесулерге баруға, аймақтарға іссапарға шығуға тура келеді, мұндай жағдайда, әрине, COVID-19 жұқтыру қаупі де жоғары», - деп жазды министр.

Елжан Біртанов барша қазақстандықты «жеке карантин» ережелерін қатаң сақтауға шақырды. Ол сондай-ақ аурудың алдын алу шараларына мұқият мән беру керек екенін айтып, бірқатар кеңестер берді:

1. Жұмыста, көлікте, көшеде, дүкенде және басқа жерлерде мүмкіндігінше арақашықтықты сақтаңыз;

2. Егер сіз офис қызметкері болсаңыз, мүмкіндігінше үйден жұмыс істеуге тырысыңыз.

3.Туыс, достармен онлайн, видео-қоңырау және өзге де жаңа технологиялардың көмегімен байланыс орнатыңыз;

4. Қоғамдық орында маска киіп жүріңіз;

5. Қолды кем дегенде 20 секун сабынмен жиі жуып, санитайзермен сүртіңіз;

6. Өзіңіздің және отбасы мүшелерінің температурасын жиі өлшеп тұрыңыз.

«Егер бойыңыздан әлсіздік, бас, тамақ ауруы, дене қызуының көтерілуі секілді симптомдарды байқасаңыз, дереу дәрігерге хабарласыңыз», -  деп ескертті Елжан Біртанов.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир