Қостанай облысында медицина қызметкерлері коронавирус жұқтырып жатыр

Жітіқара орталық аудандық ауруханасында науқастар мен қызметкерлерден коронавирус анықталуына байланысты екі бөлімше карантинге жабылды, деп хабарлайды Almaty.tv тілшісі Tengrinews.kz-ке сілтеме жасап.

Облыстың бас санитар дәрігерінің қаулысына сәйкес, ауруханада терапевтік және хирургиялық бөлімдер карантинге жабылды.

Карантин 4 қарашадан 19 қарашаға дейін жалғасады. Барлығы 18 адам коронавирус жұқтырған. Олардың 15-і сол аурухананың қызметкері болса, үшеуі науқастар.

«Санитарлық-эпидемиологиялық және дезинфекциялық режимді күшейте отырып, балаларға кеңес беру бөлімі мен шұғыл көмек көрсету бөлімі жұмыс істейді (хирургиялық, гинекологиялық, терапиялық қабылдау)», – делінген қаулыда.