Ashyq жобасы Алматы тұрғындарына коронавирустың жұғу қаупін азайтуға көмектеседі

Алматы қаласы Ұлттық Кәсіпкерлер Палатасы директорының құқықтық мәселелер жөніндегі орынбасары Салтанат Лесбаеваның айтуынша, Ashyq қосымшасы негізінен қатысушының «көк» мәртебесін анықтайды деген пікір қате. Керісінше, мегаполисте сканерлеу кезінде «қызыл» мәртебесінің 670 тұрғында, ал «сары» мәртебесінің 178 адамда бар екені расталды. ТЖ вокзалдары мен әуежай «қызыл» мен «сары» мәртебесі бар қала тұрғындарын анықтау бойынша көшбасшы, деп хабарлайды Almaty.tv.

Салтанат Лесбаева Алматы ТЖ вокзалдары жобаға 21 маусымнан бастап енгізілгенін айтты. Сондай-ақ, қысқа уақыт ішінде КВИ таралуын алдын алатынын хабарлады.

«Бірінші күні Алматы-2 теміржол вокзалында сканерлеу кезінде алыс сапарға шығатын жолаушы анықталды. Оның сапары бірнеше күнге созылуы керек еді, алайда "қызыл" мәртебесі анықталды. Ол шектеу режимін бұзды», – деді С. Лесбаева.

Айта кетсек, бүгінде Алматының 8 тұрғыны осындай бұзушылықтар үшін әкімшілік жауапкершілікке тартылды.

Бұдан басқа, Ashyq қосымшасымен қатар «Aitu», «Egov mobile» қосымшалары және Kaspi мен «Халық банк» арқылы екі банкте тексеруге болады. Бұл азаматтарға ыңғайлы болу үшін жасалған. Мәртебесін білу үшін ЖСН енгізу жеткілікті.

«Бұл инфекция жұқтыру қаупін азайту үшін жасалды. Егер жобаға қатысушылар өздеріне алған міндеттемелерді сақтамаса, оларды алып тастаймын және екі айға дейінгі мерзімге жұмыс істеу мүмкіндігінен шығарамын. Алматыда Ashyq жобасынан 39 қатысушы шығарылды, олар келушілер мен өз қызметкерлерін сканерлемеді», – деді Салтанат Лесбаева.

Спикердің айтуынша, Алматыда белгіленген шектеулерге  байланысты жоба аясында жұмыс істеуге ниет білдірушілер көп. Бүгін тағы да 10 кәсіпкер өтінім берді. Негізінен Ashyq бойынша қоғамдық тамақтану орындары, фитнес орталықтар, компьютерлік клубтар, моншалар мен кинотеатрлар жұмыс істейді. Барлығы 2332 қатысушы бар. Тестілік режимде 148 бизнес субъектісі жұмыс істейді.

Қазіргі уақытта Санитарлық-эпидемиологиялық бақылау департаментімен және әзірлеушілермен бірлесіп жобаға қатысушылардың тізімін кеңейту мәселесі қарастырылуда. Жақын арада жобада жоқ сауда-ойын-сауық орталықтары, сауда үйлері, азық-түлік емес базарлар мен асханалар жеңілдіктермен жұмыс істей алады.