|
03.04.2020 | 20:04
3889

Алматы қаласында коронавирустан екі адам емделіп шықты

Алматыдағы коронавирус індеті бойынша жағдай

Алматы қаласында коронавирустан екі адам емделіп шықты из открытых источников

Алматыда коронавирус инфекциясын жұқтырған тағы екі науқас сауығып, ауруханадан шығарылды. Жазылып кеткен қос келіншектің бірі наурызда Стамбұл – Алматы, енді бірі Египеттен ұшып келген, деп хабарлайды Almaty.tv.

Бұл туралы бүгін қаланың бас дәрігері Тілеухан Әбілдаев айтты. Сонымен қатар, бүгін ауруханаға тағы үш науқас түсті. Оның біреуі 3 жастағы бала. Жаңа түскен үш пациент бұрын індет жұқтырғандармен тығыз байланыста болған. Қазіргі уақытта қаладағы жұқпалы аурулар ауруханасында 81 адам ем алып жатыр. 68-інің жағдайы қанағаттанарлық. Бір қуантарлығы, бас-аяғы 13 адам дерттен аман-есен айығып шықты. Оның екеуі бала. Қаладағы стационарлық орындарда 613 адам, ал үй карантинінде 4411 адам жатыр. Сондай-ақ, екі күндік карантинге 446 азамат алынған.

«2 ересектің хәлі ауыр, ал қалған 11-інің денсаулығына орташа ауырлық деңгейде деген баға берді», – деді қалалық Қоғамдық денсаулық басқармасының басшысы Тілеухан ӘБІЛДАЕВ.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир