Алматыда тағы 1 адамның коронавирус жұқтырғаны анықталды

Алматы қаласында коронавирус инфекциясын тағы бір адам жұқтырғаны анықталды, деп хабарлайды  Almaty.tv ҚР ДСМ баспасөз қызметіне сілтеме жасап.

«Ауру жұқтырған азамат – 1992 жылы туған бойжеткен. Науқас 15 наурызда Ыстамбұл – Алматы рейсімен ұшып келген коронавирус анықталған адаммен байланыста болған. Қазір стационарға карантинге жатқызылды. Жағдайы қанағаттанарлық», - деді Денсаулық сақтау министрлігінің ресми өкілі Диас Ахметшәріп.  

Айта кетсек, қазіргі таңда Нұр-Сұлтан қаласы бойынша 31 адам, Алматы қаласында – 23 адам, Қарағанды қаласында – 2, Алматы облысында – 1 адам, жалпы елімізде 57 науқас тіркелді.

Еске сала кетейік, бүгін таңертең Нұр-Сұлтан қаласында тағы 2 адамның инфекция жұқтырғаны расталған болатын.