Әскерилер дезинфекция жұмыстарынан кейін медициналық тексерістен өтеді

Әскерилер дезинфекция жасап болған соң медициналық тексерістен өтеді, деп хабарлайды Almaty.tv.

Жауынгерлер қаладағы қоғамдық орындарды залалсыздандыруға бел сыбана кіріскен еді. Бүгін де бір топ маман 3 мекенжайға арнайы сұйықтық шашып шықты. Олар балалардың ойын алаңы, тұрғын үйдің кіреберісі, отырғыштар мен жаттығу құралдарын тазалады. 2 ауданды қамтыған сарбаздардың жұмысы аяқталған соң арнайы киімі жойылады.

«Залалсыздандыру жұмыстарының екінші кезеңін жалғастырудамыз. Оған орай арнайы 2 техника және 10 адам жұмылдырылған. Бүгінгі таңда 3 мекенжай бойынша  жұмыс барысын жалғастырудамыз. Нақты қазіргі мекенжайымыз – Ақсай 1 ықшамауданы. 8 үйдің ауласы мен подьездерін залалсыздындару жұмыстарын жүргіземіз», – деді Радиоэлектроника және әскери байланыс институтының қызметкері Нұраддин ЖҰМАХАНОВ.