Әлемдегі коронавирус

Әлемдегі ахуал.  Жақында ғана жаңа жыл мен рождество мерекесін 10 адамға дейін жиналып атап өтуге рұқсат еткен Германия билігі ойын өзгертіпті. Өйткені елдегі жағдай мәз емес, деп хабарлайды Almaty.tv.

Германияның денсаулық сақтау министрі Йенс Спан: егер коронавируспен ауырғандар саны азаймаса аталған мейрам кезінде қатаң шектеу қайта орнатылатынын ескертті. Яғни, үлкен сауда-үйлері жабылып, ойын-сауық орталықтар жұмысын тоқтатады. 

Ал, Данияның 38 қаласында қайтадан қатаң шектеу. Бүгіннен бастап бұл елде барлар мен мейрамханалар қызметін тоқтатты. Оқушылар қашықтан оқуға оралды. Статистикаға зер салсақ. жаһан жұртының 68 миллионнан көп азаматы COVID-19 инфекциясын жұқтырған. Алғашқы бестікте АҚШ, Үндістан, Бразилия, Ресей және Франция тұр. 1 жарым миллионнан көп науқас мерт болды. Сондықтан, аурудың алдын алып, ауырп қалмаудың жолын қарастырған абзал екенін ұмытпайық. Көпшілік жерде маска тағып, ара қашықтықты ұстанайық.