|
29.10.2020 | 15:45
901

Коронавирус: ПТР анықтамасы жоқ жолаушылар карантинде 7 күн жатады

Коронавирусқа сынағы оң нәтиже көрсеткен жолаушылар инфекциялық стационарға жатқызылады

Коронавирус: ПТР анықтамасы жоқ жолаушылар  карантинде 7 күн жатады Фото: ашық дереккөзден

ПТР-анықтамасыз елге оралған қазақстандықтар бұрынғыдай екі күндік емес, енді жеті күндік карантинге жіберіледі. Мұндай өзгерістер елдің бас мемлекеттік санитар дәрігерінің қаулысына енгізілді, деп хабарлайды Almaty.tv тілшісі Tengrinews.kz-ке сілтеме жасап.

«Елге келген Қазақстан азаматтары мен елде тұруға ықтиярхаты бар адамдардың анықтамасы болмаса, ПТР арқылы COVID-19-ға зертханалық тексеру жүргізу үшін карантиндік стационарда жеті күнге дейін оқшауланады.

Коронавирусқа арналған зертханалық зерттеулердің нәтижелерін алғаннан кейін, COVID-19 сынамасының нәтижесі теріс болғандардан тиісті қолхат алынып, аурудың ықтимал белгілері туралы түсіндіріледі», – делінген жаңа қаулыда.

Ал коронавирусқа сынағы оң нәтиже көрсеткен жолаушылар инфекциялық стационарға жатқызылады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир